Түркістан облысының прокурорлары 11 мың абоненттің құқығын қорғады. Қадағалау органы тұтынушыларға тауарлық газды тиісінше ұсынбау фактілерін анықтады. Бұл туралы Түркістан облысының прокуратурасы хабарлады.
2022 жылы Ұлттық экономика министрлігі елдің барлық өңірлерінің мемлекеттік әлеуметтік және тұрғын үй көмегін алушылар үшін газдың бөлшек саудадағы тарифін 20% - ға төмендетуді келіскен. Ол үшін облыс әкімдігі мен «ҚазТрансГаз Аймақ» АҚ арасында өзара әрекет етудің меморандумы түзілген.
Алайда жергілікті атқарушы орган әлеуметтік осал азаматтардың дербес деректерін жинау қажеттілігіне байланысты меморандумға қол қоюдан бас тартқан. Мұның бәрі көрсетілген санаты тұрғандарға тарифті уақтылы қолдануға кедергі келтірген.
«Прокурорлық қадағалау актісін қарау нәтижесінде әкімдік 11 мың абоненттің газ тарифін текше метріне 35,7 теңгеден 28,54 теңгеге төмендетуге меморандум жасады. Бұл бағыттағы жұмыс Түркістан облысы прокуратурасының жүйелі бақылауында», - делінген хабарламада.
