Сейтқазы Матаев рахымшылыққа ілігіп, мерзімінен бұрын
бостандыққа шығуы мүмкін. Бұл туралы Матаевтардың адвокаты мәлімдеді. Бүгін Астана сотында атышулы іске қатысты
апелляциялық шағымды қарау басталды. Сотқа Сейітқазы Матаев та, оның ұлы Әсет
Матаев та келген жоқ. Адвокат Мадина
Бакиеваның сөзінше, үлкен Матаев денсаулығына байланысты ем қабылдап жатыр.
Қорғаушылардың сөзінше, өткен сот процестерінде айыптаушы жақтың куәгерлері ғана
тыңдалған. Енді олар тағы да 200-ге жуық куәгерді қайда тыңдау қажет деп, талап
қоймақ.
Мадина Бакиева, Сейітқазы Матаевтың қорғаушысы:
Рақымшылыққа Сейітқазы Бейсенғазыұлы ілігуі мүмкін.
Алайда тиісті заңды парламент қарап, әлі де өзгертулер болады. Сондықтан ол
туралы айту ерте.
Біршама үзілістен соң сот отырысы, түс ауа қайта
жалғасты. Процесс барысында сот төрағасы қорғаушылардың өтініштерін ескерусіз
қалдырды.
Еске салайық, әкелі балалы Матаевтар мемлекет қаржысын жымқырды деген
күдікке ілініп, ақпанда тұтқындалған еді. Қазанның 3-де Сейітқазы Матаев тағылған айып бойынша
кінәлі деп танылып, 6 жыл жаза арқалады. Және оның ұлы Әсет Матаев 5 жылға бас
бостандығынан айырылған болатын. Бұған келіспеген олар апелляциялық шағым
жолдаған.
Дауренбек БАҚДАУЛЕТ
