Алматыдағы 2-ші Жылу электр орталығы газға ауысқан соң онан шығатын зиянды қалдық 12 есе азаяды. Мәжіліс депутаттары бүгін жылу орталығына барып, кәсіпорынның жұмысын жақсартуға бағытталған іс-шараларды талқылады. Мұнда келер жылы жаңа газ станциясының құрылысы басталады. Станцияны табиғи газға көшіру арқылы ауа ластаушы шығарындылардың көлемін 37 мың тоннадан 3000 тоннаға дейін төмендету мүмкіндігі бар.
Сергей ПОНОМАРЕВ, ҚР ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ФРАКЦИЯСЫНЫҢ МҮШЕСІ:
Алматылықтарды қуантатын жайт, 2026 жылға қарай біз лас ауамен демалмайтын боламыз. Мен бұл жерде жарты жыл бұрын болдым, бәрін көріп, бақылауда ұстап жүрмін. Қазір құжаттар дайындалуда. Мына аумақта 30 гектарға жуық орын жаңа газ станциясына бөлінген. Ал жаңа турбиналар бір жылдан кейін жеткізілнді. Бұл үшін осы аумақтағы 2200 ағашты кесуге тура келеді, бірақ оны бірнеше еселеп осы ауданда қайта егетін болады.
Алматы электр станциясын газға ауыстыру кезең-кезеңімен жүргізіледі. Қазір көмірмен жұмыс істеп тұрған бөлігі резерв ретінде сақталады. “АМАНАТ” партиясының жол картасы шеңберінде «Алматы екінші жылу электр орталығын қоршаған ортаға әсерді барынша азайта отырып жаңғырту» жобасын іске асыру жалғасып жатыр.
Айдос САРЫМ, Р ПАРЛАМЕНТІ МӘЖІЛІСІНІҢ ДЕПУТАТЫ, «AMANAT» ФРАКЦИЯСЫНЫҢ МҮШЕСІ:
80-ші жылы Совет заманында салынған агригаттар бар, және соңында 2016 жылы Симминс компаниясының құрал-сайманымен сақталған жаңа агригат бар. Жаңа мамандар айтып жатыр екеуінің көмір жағуда, мысал үшін Симминстікі 99.4 дәрежесіне дейін, яғни 100 пайызға жақын бәрін залалсыздандырады. Жаңа ТЭЦ қосылатын болса, онда тоқ пен жылудың ауқымы да өсетін болады.
