Аустралиядағы жарыс қыза түсті. Әлемнің 3-ші ракеткасы, қазақстандық теннисші Елена Рыбакина жарыстың екінші айналымында ресейлік Анна Блинковамен ойнады. Күтпеген жерден бірінші сетте Рыбакина сәтсіз ойын көрсетті. 4:6. Екінші сетте Бликовадан басым түсті. 6:4. Соңғы 3-ші сетте Елена қарсыласынан айласын асыра алмады. Есеп 6:7. Кездесу 2 сағат, 48 минутқа дейін созылды. Australian Open-2024-те сенсация жасаған Блинкова енді турнирдің 1/16 кезеңінде италияндық Ясмин Паолинимен ойнайды.
РЫБАКИНА АУСТРАЛИЯДАҒЫ ЖАРЫСТАН ШЫҒЫП ҚАЛДЫ
Испанияның Тенерифесінде Челленджердің 1/8 финалының матчтары өтті, оған екі қазақстандық Михаил Кукушкин мен Денис Евсеев қатысуда. Екі қазақстандық үшін де турнир сәтті өтуде. Екінші айналымда Михаил Кукушкин екі сетте француз Джофри Бланканоны 7:6, 7:6 есебімен жеңді. Денис Евсеев жарыстың бірінші ракеткасы Фабио Фониниді турнирден шығарды - 6:3, 1:6, 6:3. Жартылай финалға шығу құқығы үшін Михаил испандық Хавьер Барранко Косаномен, ал Дмитрий тағы бір итальяндық Самуэль Винсент Ружеримен ойнайды.
ИСПАНИЯДА ТЕННИСШІЛЕРІМІЗ СӘТТІ ӨНЕР КӨРСЕТУДЕ
Енді футбол жаңалықтарына кезек берсек. «Атлетико» Испания Кубогының 1/8 финалдық кезеңінде «Реалды» жеңді. Кіл мықтылардан жиналған қос команда Мадрид қаласының үздігін анықтау үшін бақ сынасты. Тартысты ойын күткен жанкүйерлердің үміті ақталды. 39-минутта «Атлетико» ойыншысы Самуэль Лино есеп ашты. Бірінші таймның соңында Ян Облак автоголының арқасында есеп теңесті. Екінші таймның басында «Реалдың» қақпасынан саңылау табуды білетін Альваро Мората алаң иелерін алға шығарды. «Реал» ойынның соңғы минуттарында Хоселу голының арқасында ойынды құтқарып қалды. Дегенмен 99-минутта бабымен білігі жоғары Антуан Гризманн «Атлетиконы» алға шығарса, Родриго Рикельме ойынның нүктесін қойды. Қорытынды есеп 4:2.
«АТЛЕТИКО» АЗУЛЫ ҚАРСЫЛАСЫН ТІЗЕ БҮКТІРДІ
«Астана» маусымға сақадай сай. Команда Қазақстан құрамасының футболшысы Марат Быстровпен келісімге қол қойылғанын хабарлады. Марат Ресей Премьер-Лигасында Грозный «Ахматының» құрамында өнер көрсеткен. Бұл командада ол 80-нен астам матч өткізді. Қазақстандық қорғаушымен келісімшарт 2024 жылдың соңына дейін тағы бір маусымға ұзарту нұсқасымен жасалды. Айта кетейік, 31 жастағы Быстров 2019 жылдан бері Қазақстан құрамасында өнер көрсетіп келеді. Сондай-ақ, елордалық командаға атакенттік «Мақтаарал» мен Қазақстан құрамасының шабуылшысы Рамазан Кәрімов қосылды.
«АСТАНА» ЖАҢА ОЙЫНШЫЛАРДЫ ТАНЫСТЫРДЫ
Ағылшын құрамасының жартылай қорғаушысы Джордан Хендерсон «Аякс» құрамына қосылды. Бұл туралы Амстердам ұжымының баспасөз қызметі хабарлады. Тараптар арасындағы келісім-шарт 2026 жылдың жазына дейін есептелген. Бұған дейін 33 жастағы футболшы өнер көрсеткен Сауд Арабиясының «әл-Иттифакпен» еңбек шартын бұзғаны белгілі болды.
ХЕНДЕРСОН «АЯКСҚА» АУЫСТЫ
Өзге де жаңалықтарға келсек. Белгілі қазақстандық аралас жекпе-жек шебері Жалғас Жұмағұлов Алматыда NAIZA57 турнирі аясында шаршы алаңға шығатын болды. Қазақстандық файтердің қарсыласы 34 жастағы американдық Кливленд Маклин болады. Жауынгерлер 24 ақпанда Almaty Arena-да өтетін жекпе-жек кешінде жұдырықтастан болады. Айта кетейік, былтыр желтоқсан айында Жұмағұлов UFC-мен келісімшарт мерзімі аяқталғаннан кейін жапондық спортшы Масато Накамураны нокаутқа жіберіп, алғашқы жекпе-жегін өткізді.
ЖҰМАҒҰЛОВТЫҢ КЕЛЕСІ ҚАРСЫЛАСЫ АНЫҚТАЛДЫ
Жаңа тегін X5 ойыны (Winline букмекерінен)
Winline қосымшасын жүктеп алыңыз
5 матчтың нәтижелерін таңдаңыз, сонда
5 миллион (теңге) сіздікі болуы мүмкін! Винлайн қосымшасының х5 бөліміне кіріп, экранда көрсетілген ойындардың нәтижесін тапсаңыз жүлде сіздікі! Еш күмәніңіз болмасын, Winline төлейді. Сондай-ақ экранда алдыңғы ойындардың нәтижесі көрсетілген, барша жеңімпаздарды құттықтаймыз! Сонымен қатар, 1 ақпаннан бастап Винлайн Ресей Премьер лигасының қысқы кубогы өтеді. "Қайрат" футбол клубымен және Винлайн компаниясымен бірге Сіз Абу-Дабиге жолдама және бағалы сыйлықтар ұтып ала аласыз!
