Моңғолия астанасы Ұлан-Баторда ірі Дүнжингарав базары орналасқан Баянзүрх ауданында 60 тонналық газ тиелген жүк көлігі жарылып кетті, деп хабарлайды Zakon.kz.
News.mn ақпараттық порталының хабарлауынша, жарылыс 2024 жылдың 24 қаңтарына қараған түні болған.
Оқиға орнында құтқарушылар мен өрт сөндірушілер жұмыс істеп жатыр, қираудың нақты ауқымы мен зардап шеккендердің саны әлі белгісіз.
Алайда мамандар төтенше жағдай қызметінің үш қызметкері мен тағы екі адам қаза тауып, 20-дан астам көлік өртенгенін нақтылап отыр.
Жарияланған мәліметтерге қарағанда, күшті жарылыс салдарынан жүк көлігі 30-40 метрге лақтырылған.
