Енді шалғай аудандарда тұратын балалар сабаққа мектеп автобусымен барады. Бұған дейін Өскемендік оқушылар білім ошағына бару үшін қараңғыда орман арасымен жүретін. Оқушыларға қаңғыбас иттер бірнеше рет шабуылдаған. Амалы таусылған ата-аналар көмек сұрамаған жері қалмаған. Күрделі мәселені "АMANAT" партиясының Шығыс Қазақстан облыстық филиалы шешуге көмектесті.
Аманбай НҰРКЕНОВ, "AMANAT" ПАРТИЯСЫ ШҚО ФИЛИАЛЫ АТҚАРУШЫ ХАТШЫСЫНЫҢ ОРЫНБАСАРЫ:
Бүгін біз аялдаманы орнаттық. Оны осы жерге қою үшін айналасын тазарттық. Балалар аялдамаға қауіпсіз жетуі үшін жаяу жүргіншілер көпірі арқылы жарық түсірдік. Енді балаларға қауіп жоқ.
