Хромтау қаласы мен Қарабұтақ ауылы арасында 30 шақырымдық көлік кептелісі орын алды. Бұл туралы Stan.kz ақпарат агенттігі хабарлайды.
"ҚазАвтоЖолдың” мәліметінше, Ақтөбе облысында республикалық маңызы бар жолдарды қардан тазарту жұмыстары қарқынды жүргізіліп жатыр. Жол жөндеушілер тәулік бойы жұмыс істеп жатқаны айтылады.
Ауыр жүк көлігінің жүргізушілері көліктерін 4 шақырымға екі-үш қатарға қойып қойған. Бұл жол бөлігіндегі қарды тез арада тазалауға кедергі келтіріп, жолшылардың жұмысына кедергі келтіруде.
