$442.85 €480.32 ₽4.94
×

Өзбекстанда телефоннан бас тартқан мектептерге 24 мың доллар беріледі

AstanaTV
28.02.2024ж. 21:11
826
Өзбекстанда телефоннан бас тартқан мектептерге 24 мың доллар беріледі

 Өзбекстанның Ташкент облысында ата-аналармен келісе отырып, телефон пайдаланудан бас тартқан мектептерге 300 млн сум (шамамен 24 мың доллар) беріледі, деп хабарлайды KAZINFORM.

Ташкент облысының хокимі Зойир Мирзаев 27 ақпанда Чирчикте өткен білім беру кеңесінің отырысында аймақтағы білім беру мекемелерін «Телефонсыз мектеп» бастамасын қолдауға шақырды.

Әкімшілік басшысы Кенгаштың Чирчикте өткен білім кеңесінің отырысында мектепте телефонның қолданылуын сынап, ата-аналармен келісе отырып, оқушылар мен мұғалімдерге мектеп аумағында телефон пайдалануға тыйым салу керектігін айтты.

«Жақында әлеуметтік желілерде Орталық Азия елдері мектеп аумағында телефон пайдалануға тыйым салды деген жаңалықты көрген боларсыздар. Күні кеше Қазақстанда да тыйым салынды. Бұл сабақ кезінде мұғалімдерге де қатысты. Мектеп аумағында телефон алып жүруге тыйым салынғаны жөн», — деді облыс әкімшілігінің басшысы.

Оның айтуынша, бірде-бір мектеп басшысы білім ошағында телефон қолданудан бас тарту туралы бастама көтермеген.

«Жиналыста ата-аналармен келісіп, тәжірибе ретінде телефонмен мектепке кіргізбей қойғанын, нәтижесінде 11 айда кітап оқитын балалардың саны соншалықты өскенін, олардың оқу үлгерімінің артқаны туралы ешкім айтқан жоқ. Көптеген директорлар ұжымдарын басқара алмайды. Жақсы жұмыс істеп жатқан директорлар неге мұндай бастаманы көтермеді?» — деді ол.

Зойир Мирзаев ата-аналармен келісе отырып, «Телефонсыз мектеп» бастамасын көтерген мектеп ынталандыру түрінде 300 млн сум алатынын айтты.