Илон Масктың SpaceX компаниясының Starlink спутник терминалдары бірнеше елдің қара нарығында заңсыз сатылып жатыр. Бұл туралы Stan.kz ақпарат агенттігі Bloomberg сайтына сілтеме жасап хабарлайды.
Ақпарат көздерінің мәліметінше, SpaceX компаниясының спутник байланысын пайдалану үшін мемлекеттердің үкіметтерімен келісім жасасу қажет. Алайда адамдар заңды келісімнің болмағына қарамастан, Starlink-ті пайдаланып жатыр.
Заңсыз терминалдар Қазақстанда, Йеменде, Суданда, Венесуэлада, Оңтүстік Африкада және Ресей басып алған Украина аумағында таралып, қара нарықта көп табысқа кенелді.
Space X 2019 жылы спутниктік байланыс орната бастады. Бүгінгі күнге дейін Starlink шамамен 5500 спутниктік желі арқылы кең жолақты интернетке қол жеткізуді қамтамасыз етеді.
Айта кетейік, 2023 жылдың қазан айында 10 ауылдық мектеп SpaceX компаниясының Starlink технологиясы бойынша кең жолақты интернетке тест режімінде қосылды. Бұл желіде деректерді беру жылдамдығы 200 Мбит/с жетеді.
Қазақстандағы жеке тұлғаларға Starlink пайдалануға тыйым салынады.
2024 жылғы ақпанда Қазақстанға Starlink компаниясынан жабдықтардың бірінші партиясы келді. Спутниктік жүйенің жоспарланған 2000 жиынтығының тек 500-і ғана жетті.
Ақпан айында мәжіліс депутаттары "ҚР кейбір заңнамалық актілеріне байланыс, цифрландыру және ақпараттандыру саласының инвестициялық ахуалын арттыру мәселелері бойынша өзгерістер мен толықтырулар енгізу" туралы заң жобасын қабылдады.
Құжатқа сәйкес Қазақстанда геостационарлық емес спутниктерді (StarLink, OneWeb) пайдалана отырып, байланыс технологияларын енгізу үшін 2026 жылға дейін реттеуді ерекше реттеу енгізіледі. Қабылданып жатқан шаралар шалғай ауылдардағы әлеуметтік нысандарды интернетпен қамтамасыз етуге көмектесуі керек.
