Алматы облысында жол апатынан үш адам қаза тапты.
Қайғылы оқиға 8 мамырда Алматы - Көкпек - Көктал тас жолының 41-шақырымында болған.
"Mitsubishi Lancer жүргізушісі рөлге ие болмай, қарсы қозғалыс жолағына шығып, Nissan Cefiro көлігімен соқтығысты. Соқтығысу салдарынан Nissan Cefiro инерция бойынша жолдың шетінде тұрған Mitsubishi Pajero Sport пен BMW X5 көліктеріне соғылды", - деп хабарлады полиция.
Оқиға орнында Nissan Cefiro жүргізушісі, Mitsubishi Lancer жүргізушісі және оның жолаушысы қаза тапты.
Жол апаты фактісі бойынша қажетті сараптамаларды тағайындаумен қылмыстық іс тіркелді.
"Құрметті жүргізушілер, жол қозғалысы ережелерін қатаң сақтап, рұқсат етілген жылдамдықты асырмаңыз. Көлік жүргізу кезінде басқа жол қозғалысына қатысушылардың өмірі мен денсаулығы сізге байланысты екенін ұмытпаңыз", - деді полиция.
