Түркістандағы
арнаулы әлеуметтік орталықта туберкулез жұқтырғандар саны тағы екеуге артып, 67
адамға жетіп отыр. Бұл мәліметті біздің арна тілшілеріне облыстық прокуратура
өкілдері жазбаша хабарлады. Құзырлы
органның дерегінше, аймақтағы психо-неврологиялық мекемеде тексеру жұмыстары
жалғасып жатыр.
Еске салайық, оңтүстіктегі Түркістан қаласындағы әлеуметтік
мекемеде 65 адамның туберкулез жұқтырғаны анықталған. Бұдан бөлек Төлеби
ауданындағы тағы бір мекемеде 7 емделушінің өкпесінен кох таяқшасы табылғанын
хабарлаған едік. Қазір аймақтағы жабық мекемелерде екінші қайтара тексеру
шаралары жүріп жатыр. Білім саласына қарайтын жабық мекемелерде де тексеру
басталады.
