Ит иесі айыппұл төлейді, деп хабарлайды @Pavlodarnews.kz тілшісі.
Облыстық полиция департаменті баспасөз қызметінің мәліметінше, полицияға қала тұрғыны қоңырау шалды. Ол Бұқар жырау көшесіндегі үйінің ауласында ер адам үлкен итті қарғыбаусыз және тұмылдырықсыз серуендетіп жүргенін айтты.
– Ит агрессивті болды. Шақыруға келген полиция қызметкерлері ит иесін анықтап, әкімшілік хаттама толтырды. Енді үй жануарларын ұстау және серуендету ережелерін бұзғаны үшін ит иесі айыппұл төлейді, – дейді департаментте.
Айта кету керек, ағымдағы жылы облыста осындай бұзушылық үшін 1260 жануар иесі жауапқа тартылды.
