Павлодарда еріктілер сирек кездесетін өсімдіктермен танысты. «Таза Қазақстан» акциясы аясында «Жасыл ел» жасағының сарбаздары экологиялық музейді аралап көріп, орталықтағы жылыжайдың жұмысымен танысты. Мақсат – жастардың бойында экологиялық мәдениетті қалыптастырып, қоршаған ортаны тазалығын сақтауға шақыру. Келесі жылдан бастап оқу орындарында танымдық сабақтар өткізілмек. Бұл жас ұрпақтың сана көкжиегін кеңейтіп, табиғатты аялауға үйрететін болады.
АРИНА КРАСКОВА, ҚАЛАЛЫҚ «ЖАСЫЛ ЕЛ» ЖАСТАР ЖАСАҒЫНЫҢ КОМАНДИРІ:
Биыл «Таза Қазақстан» акциясы аясында көптеген қызықты іс-шаралар ұйымдастырдық. Себебі, тазалық тек көше, аулаларды сыпырумен ғана шектелмейді. Жастар арасында экологиялық мәдениетті қалыптастыру өте маңызды. Өйткені, жастар қоршаған ортаны қорғаудың, сақтаудың маңыздылығын жете түсінулері керек. Бұл шара да осы мақсатта өткізіліп отыр.
