Көкшетауда 22 жастағы жігітті некеге тұрған күні өлтіріп кетті. Қайғылы жағдай түнгі клубтағы жанжал кезінде болған. Күдікті ұсталып, уақытша ұстау изоляторына қамалды. Сондай-ақ оқиғаға қатысты 6 адам анықталып, бұзақылық фактісі бойынша сотқа дейінгі тергеу жүргізілуде.
БАХТИЯР УТЕКИН, ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ ОРЫНБАСАРЫ:
Көкшетаудағы көңіл көтеру орындарының бірінде Красный Яр ауылының 22 жастағы тұрғынын өлтіру фактісі тіркелді. Осыған байланысты полицейлер ҚР ҚК 99-бабы, 2-бөлімі бойынша сотқа дейінгі тергеу амалдарын жүргізуде. Күдікті бірден ұсталып, уақытша ұстау изоляторына қамалды. Тергеу барысы басшылық бақылауында.
