Шығыс Қазақстан облысындағы Өскемен – Самар тасжолының 75-шақырымында жарылғыш зат тиелген VOLVO жүк көлігі жарылды. Оқиға Асубұлақ ауылына жақын маңда болған, деп хабарлайды El.kz ақпарат агенттігі.
Облыстық ПД мәліметінше, жүк тасымалдайтын көлік Самар ауданындағы тау-кен жұмыстарына арналған жарылғыш заттарды жеткізіп бара жатқан. Оқиға кезінде жүргізуші мен жолаушы қаза тапты.
Аталған факті бойынша қылмыстық іс қозғалды. Қазіргі уақытта оқиғаның себептері мен мән-жайын анықтау үшін барлық қажетті тергеу шаралары жүргізілуде. Тергеу жұмыстары Шығыс Қазақстан облысы Полиция департаменті басшылығының бақылауында.
