Ақтөбеде үш жасар Балымның аяғы күйіп, соның салдарынан мүгедек болып қалған. Бүлдіршіннің жақындары оған облыстық көпсалалы балалар ауруханасын кінәлап, бірінші сатыдағы сотты жеңіп шыққан еді. Алайда, жақында апелляциялық сот аурухананың бұған еш кінәсі жоқ деген шешім шығарыпты. Алайда Балымның анасы бұл шешіммен келіспей отыр.
Кішкентай Балым бір жыл бұрын күйіп қалып, облыстық көп салалы балалар ауруханасына түскен. Бір ай бойы бүлдіршін аутодерматопластика отасын күткен. Алайда дәрігерлер арнайы аппарат жоқ деп кейінге қалдырыпты. Ақыры Балымды ата-анасы Ресейге апарып, ота жасатқан. Сосын олар аурухананы сотқа беріп, бірінші сатыдағы сотты жеңіп шыққан еді. Сондай-ақ аурухана бүлдіршіннің отбасына 10 миллион теңге моральдық шығын өтеуі тиіс болған. Бірақ жуырда апелляциялық сот бұл үкімді жойды.
ЖАНСАЯ ТАИРОВА, АҚТӨБЕ ОБЛЫСТЫҚ СОТЫНЫҢ БАСПАӨЗ ХАТШЫСЫ:
Сот алқасы іс материалдарымен апелляциялық шағым дәлелдерін қарастыра отырып, бірінші сатыдағы сот материалдардың занның нормаларын дұрыс қолданбады. Бұл талапкердің талабын қандыруға әкелді деген қорытыңдыға келді. Нәтижесінде Апелляциялық сот 2024 жылғы 5 сәуірдегі шешімнің күшін жойып, мәлімделген талаптарды қаңағаттандырудан бас тартты және жаңасын шығарды . Сот шешімі заңды күшіне енді.
Балымның жақындары бұл үкіммен келіспей отыр. Олар тағы басқа қаладан сот медициналық сараптама жасатып, жоғарғы сотқа жүгінбекші.
ГҮЛДЕРАЙ ҒАДІЛШИНА, БАЛЫМНЫҢ АНАСЫ:
Первый суд мы выиграли же... Бірінші сотты біз ұттық қой. Біз апелляциялық сот мұндай шешім шығарады деп күтпедік. Біз бірінші сотта көп нәрсені дәлелдедік. 30 наурыздан бастап арнайы аппарат жұмыс істемеді. «Дерматом» аппараты болмағандықтан олар бізге ота жасай алмады. Бізге негізі жетінші, 14 тәулікте ота жасап, тері ауыстыруы тиіс еді. Ол жасалмады. Біз мұнымен тоқтамаймыз. Жоғарғы сотқа жүгінеміз.
Қазір кішкентай Балым өздігінен жүре алмайды, бүлдіршінге мүгедек рәсімделген. Бүлдіршінге ұзақ уақыт бойы оңалту емі тағайындалған. Уақтылы ота жасалғанда осындай салдары болмайтын еді дейді анасы.
