Біріккен Араб Әмірліктерінде DIAFA марапатын иеленген Димаш Құдайберген жүлдесін Бибігүл Төлегеноваға арнады, деп жазды turkystan.kz.
«Құрметті Бибігүл Ахметқызы! Күні кеше алған кезекті марапатымды алдағы келе жатқан 95 жылдық мерейтойыңыздың қарсаңында сіздің құрметіңізге арнауға рұқсат етіңіз. Жастайымнан сіздің жоғары дәрежедегі өнеріңізге сусындап өсіп, сіздің аналық, ұстаздық өсиеттеріңіз бен батаңыздың арқасында қазіргі күні азды көпті жетістіктерге қол жеткізіп келемін. Құрметті жанкүйерлерім, құрметті жерлестер! Шын жүректен барлық құттықтауларыңызға көп рахмет айтқым келеді. Еліміз аман, жұртымыз тыныш болсын!», – деді Димаш Құдайберген.
