Жамбыл облысы Жуалы ауданына халықаралық автобус жолда қалып қойды. Көліктің моторы істен шыққан. Қатты аязда тоңып қалған 41 жолаушыны құтқарушылар жылы жерге жеткізді. Арасында екі бала бар. Жолаушылардың 34-і Өзбекстан азаматы, қалғаны қазақстандықтар. Екі жүргізуші мен бұзылған автобус арнайы техникамен Түркістанға жөнелтілді.
АРМАН ТОКАНОВ, ОБЛЫСТЫҚ ТӨТЕНШЕ ЖАҒДАЙЛАР ДЕПАРТАМЕНТІНІҢ БАСТЫҒЫ:
Жолда қалған жолаушылардың барлығы қауіпсіз, жақын маңдағы жылы орынға жеткізілді. Шақпақ ата ауылының өнер мектебіне орналасқан жаураңқы жұрт ыстық шәй ішіп, ары қарай өзге автобусқа отырғызып, діттеген жеріне жіберілді.
