Қазақстандық теннисші Елена Рыбакина Аустралия ашық чемпионатының 1/8 финалына шықты, - деп хабарлайды massaget.kz сайты.
Елена үшінші айналымда украиналық Даяна Ястремскаямен кездесті. 1 сағат 30 минутқа созылған ойында қазақстандық спортшы 6:3 және 6:4 есебімен басым болып шықты.
1/8 финалда Мэдисон Киз (№14) - Даниэль Коллинз (№11) арасындағы ойында ұтқанымен кездеседі.
Рыбакина бірінші айналымда Эмерсон Джонсты, екінші айналымда Ива Йовичті жарыс жолынан шығарған болатын.
Ал Юлия Путинцева келесі кезеңге өте алмады. Ол 1/16 финалда ресейлік Дарья Касаткинаға 0:2 (5:7, 1:6) есебімен есе жіберді.
