«ЕХРО» көрмесі кезінде Астанада күн жаңбырлы болады. "Қазгидромет" мамандарының ақпаратынша, 10-шы маусымда жауын-шашын түсуі ықтимал. Бірақ күн жылы болады. Синоптиктер жаздың алғашқы жартысында ауа-райы құбылмалы болатынын айтып отыр. Сондықтан арасында күн салқындайды деген жорамал бар.
Ардақ Қалменова, «Қазгидромет» РМК ауа райын қысқа мерзімге болжау басқармасының басшысы:
10-шы
маусымда күндіз өткінші жаңбыр күтіледі. Ауа температурасы +23-+25 градус.
Жалпы маусым айындағы болжамға келер болсақ, айдың бірінші жартысында еліміздің
басым бөлігінде жауын-шашынды, тұрақсыз ауа райы күтіледі. Ал екінші жартысы
жауын-шашынсыз, тұрақты болады.
