Қытай елінде шөлді аймақта тағы бір қорған құрылысы жүріп жатыр, деп хабарлайды inbusiness.kz сайты.
Бұл елдің солтүстік бөлігінде құмды дауылдардан қорғану мақсатында жасанды орман қорғау белдеуін құру бойынша іске асырылып жатқан ауқымды жоба.
Бейресми түрде оны "жасыл Қытай қабырғасы" немесе "Ұлы жасыл қабырға" деп атайды.
Шөлейттену – Қытайдағы негізгі жаһандық проблемалардың бірі.
Жоба 1978 жылы басталған. Қорған маңайында 35 миллион гектар аумаққа ағаштар, бұталар отырғызылатыны айтылған. Жоба 2050 жылға дейін аяқталады деп жоспарланып отыр. 2024 жылдың соңында Қытай жобаның бір кезеңін аяқтағаны белгілі болды.
