Былтыр Елордада комплаенс бақылаушылар мемлекет меншігіндегі мекемелерде 60-тан астам заң бұзушылықты анықтады. Бүгінде 74 квазимемлекеттік секторда комплаенс бақылаушылар жұмыс істейді. Олар компанияда ашықтық пен заңдылықты қамтамасыз етуде шешуші рөл атқарады. Жемқорлық тәуекелдерін, мемлекеттік сатып алу кезінде бағаны көтермелеу, жұмысқа өз туысын тарту секілді фактілерді анықтап, шара қолданады. Соның арқасында былтыр 1,3 млрд теңге көлемінде бюджет қаражаты үнемделген.
ДИАС ҚОЗЫБАЕВ, ҚАЛАЛЫҚ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ АГЕНТТІГІ ПРЕВЕНЦИЯ БАСҚАРМАСЫ БАСШЫСЫНЫҢ ОРЫНБАСАРЫ:
Комплаенс офицер - квази мемлекеттік сектордағы арнайы қызметкер. Соның ішіндегі сыбайлас жемқорлықтың алдын-алу жұмыстары, яғни, ішкі анализдер өткізу, сыбайлас жемқорлыққа қарсы мәдениетті қалыптастыру бағытында көптеген шаралар жүргізеді. Оның жұмысы қазір ауқымды әрі тиімді, елдің болашағына, дамуына, сыбайлас жемқорлықты жою бағытында үлкен іс-шара болып есептеледі.
