«Барыс» хоккей клубы жаңа маусымның алғашқы кездесуін жарқын жеңіспен аяқтады. «Нұр
Отан» партиясының қолдауымен Ел президенті кубогы сарапқа салынған кездесуде, жеңілістің кермек дәмін татудың аз-ақ алдында тұрып, алайда соңғы сәтте қарсыластарын 4:2 есебімен сан соқтырып
кетті. Өз алаңында жанкүйерлерге осылайша тамаша көңіл-күй сыйлаған клуб өкілдері,
жанкүйерлердің қолдауы ерекше болғанын айтады. Ал, команда бас бапкері Евгений
Корешков тағайындаған жаңа әрі жас құрама тек жанкүйерлерін ғана емес,
бапкердің өзін де аң-таң еткен көрінеді.
Швейцарияның 30 дүркін чемпионы
атанған «Давос» осылайша сырт алаңда есе жіберіп қойды. Ал, біздің жерлестер
аталмыш кубок аясында тағы 4 кездесу өткізеді. Евгений Корешков шәкірттерінің
дайындығы жақсы екенін айтып отыр. Сондықтан жеңіс тұғырынан көрінуге барымызды
саламыз деді.
Евгений
Корешков ,«Барыс» ХК бас бапкері:
Мен,
біздің ойыншылар осындай керемет ойын көрсетеді деп, тіпті ойлаған жоқ едім.
Біздің жастардың жігері мықты, оларға үміт артамын, әрине. Турнир барысында әлі
4 бірдей кездесу бар. Тағы да жаңа ойыншылардың аяқ алысын байқаймыз.
