Трамвай
қағып, көз жұмған павлодарлық оқушы қыздың анасы жүргізушіден 1 жарым млн теңге
көлемінде материалдық шығын талап етті. Бұл туралы сот отырысында Шынар Уәлитованың қорғаушылары айтты. Бұл сома
аман қалған 8 жасар Маралдың денсаулығына келген зиян мен психикалық жағдайына
сәйкес есептелген.
Ал айыпталушы тарап процессуалдық келісімге келу туралы
ұсыныс жасады. Уәлитованың шотына трамвай басқармасы мен кәсіпорын жұмыскерлері
аударған 2 млн 350 мың теңгені де ескеруді сұрады. Алайда, жәбірленуші тарап
бұл қаржының бүгінгі іске қатысы жоғын айтты. Келесі сот отырысы желтоқсанның
7-сіне белгіленді.
Еске салсақ, қыркүйекте Павлодар көшелерінің бірінде
апалы-сіңілі қос оқушыны трамвай қағып кетті. Балалардың бірі оқиға орнында көз
жұмса, екіншісі жансақтау бөліміне түсті.
