2024
және 2028 жылдары жазғы олимпиада ойындары өтетін қалалар белгілі болды. Бұл
туралы ақпарат, дауыс беру нәтижесі салтанатты түрде жарияланбастан, тарап
кеткен.
Осылайша, төрт жылдықтың басты спорт додасы 2024-ші жылы Парижде
өтсе, 2028-ші жылы АҚШ-тың Лос-Анжелес қаласында өтетін болды. Әу баста 6
бірдей қала спорттық доданы өткізуге өтініш берген. Алайда, олардың барлығы
түрлі себептермен өтініштерін қайтарып алыпты. Халықаралық олимпиада комитетінің
ресми хаттамасында осыған дейін жазғы олимпиаданы 2-рет қабылдаған Лос-Анжелеске дайындық жұмыстарын
өткізуге 2 миллиард доллар қаражат бөлінетіні жазылған.
