Сарысу аудандық соты әлеуметтік желілерді пайдалана отырып, жала жабу фактісі бойынша әкімшілік құқық бұзушылық туралы істі қарады.
2026 жылдың қаңтарында әйел өзінің «TikTok» парақшасында жәбірленушінің ар-намысы мен қадір-қасиетіне нұқсан келтіретін мәліметтерді жариялады. Ол сондай-ақ жәбірленушінің суреттерін орналастырып, оларды қорлайтын және балағат сөздермен сүйемелдеді. Кінә тараптардың айғақтарымен және сараптама қорытындысымен дәлелденді. Келіншек кінәсін мойындап, жәбірленуші жұбайымен байланысты деп күдіктенгенін және ашу үстінде әрекет еткенін түсіндірді, - деп хабарлады Жамбыл облысының Сарысу аудандық соты.
Жәбірленуші соттан тиісті жаза тағайындауды сұрады. Ол заңды некеде тұратынын және 6 кәмелетке толмаған баланың анасы екенін хабарлады. Құқық бұзушының әрекеті оның ар-намысы мен қадір-қасиетіне, күйеуімен қарым-қатынасына нұқсан, сонымен қатар оған және оның балаларына моральдық зиян келтіргенін айтты.
Сараптама қорытындысына сәйкес жариялымдарда ар-намыс пен қадір-қасиетті қорлайтын сөздер мен мәлімдемелер болды. ӘҚБтК 73-3-бабы 2-бөлігінің санкциясы жеке тұлғаға 180 АЕК мөлшерінде айыппұл немесе 20 тәулік мерзімге әкімшілік қамаққа алуды көздейді. Сот кінәні мойындауды, 6 баласының болуын және ауырлататын мән-жайлардың болмауын ескере отырып, айыппұл сомасын 30%-ға төмендетті. Сот қаулысымен С. кінәлі деп танылып, оған 544 мың теңге көлемінде айыппұл тағайындалды, - деп хабарлады соттың баспасөз қызметі.
Қаулы заңды күшіне енген жоқ.
