Оралда нұротандықтар көмекке зәру қарияларды қамқорлыққа алған. Бүгін ұзақ жылдар бойы балабақша тәрбиешісі, кейін жергілікті театрда жұмыс істеген 83 жастағы қарияның үйіне газ тартып беру мәселесін қарастырып жатыр. Өздігінен жүріп-тұруы қиын зейнеткерге жасотандықтар ұдайы қол ұшын беріп келеді. Бүгін қарияның үйіне көмір жеткізіп берді. Жалпы, партия белсенділері «Ардагерлерді ардақтайық» жобасы аясында олардың үй шаруасына көмектесуді үлгілі іске айналдырған. Қазір жүзден астам оралдық қария партияның қамқорлығында.
Азамат Мағзомов, «Жас Отан» ЖҚ БҚО филиалының өкілі:
Қысқы уақытта да, жазғы уақытта да көмектесіп жатамыз. Осы қыс басталғалы біз бес рет келдік. Жалғызбасты қариялар, үлкен кісілер, ардагерлерге көмектесу біз үшін, жастар үшін оңай нәрсе болып көрінгенімен, бұлар үшін қиын нәрсе болып саналады. Сондықтан біз оларға әрдайым келіп көмектесуге дайынбыз.
Валентина Дубовская, тыл ардагері:
Партияға мың алғыс! Оларға ризашылығымды қалай жеткізерімді де білмеймін. Жастар келіп, отынымды жарып, көмірімді тасып беріп, үлкен көмек етті.
