Павлодарда 17 жастағы бозбала суға батып, мерт болды. Қайғылы оқиға шомылуға тыйым салынған жасанды су қоймасында болған. Аптап ыстықта салқындап алмақ болған жас жігіт суға сүңгимін - деп батып кетіпті. Оқиға орнына жеткен құтқарушылар бозбаланың мүрдесін судан алып шықты. Оқыс оқиғаның мән-жайы анықталынатын болады. Төтенше жағдайлар қызметі ата-аналарға балаларын қараусыз жібермеуді, шомылуға тек рұқсат етілген жерлерде ғана суға түсуді ескертеді.
