Қазақстан халықаралық әуе бағыттарын кеңейтуді жалғастырып жатыр. FlyArystan әуе компаниясы Қытай мен Қырғызстанға жаңа тұрақты рейстерді іске қосты.
26 маусымнан бастап Ақтау – Үрімші бағыты бойынша аптасына екі рет рейс орындалады.
Ал 3 шілдеден бастап Астана – Ыстықкөл бағыты ашылды. Бұл бағыт ұшақтар аптасына екі рет қатынайды.
«Жаңа рейстер Қазақстанның Қытай және Қырғызстанмен туристік, іскерлік және сауда-экономикалық байланысын нығайтып, жолаушыларға халықаралық сапар мүмкіндігін арттырады», - делінген ҚР Көлік министрлігі хабарламасында.
