Қазақстаннан
кетушілер саны артып барады. Бұл үрдіс 2014 жылдан бері байқалған. Ақпаратты, статистика комитетінің деректеріне сүйеніп, LS порталы жариялады. Өткен жылы 37 700 адам шет елдерге
кеткен. Осылайша Қазақстанмен
қоштасқандар саны 2016 жылмен салыстырғанда 7,8 пайызға артты.
Былтыр көші-қон
негізінен ТМД елдері аумағында болған. Қазақстаннан көшкендердің 89,4 пайызы,
яғни 33 700 адам, көршілес елдерге қоныс аударған. Ал ТМД елдерінен 11 600 адам
көшіп келген. Кетушілерге қарағанда, келушілер саны екі есе кем. Былтыр барлығы
16 100 адам отанға оралған. Келушілер санының көрсеткіші 2008 жылдан бері
төмендеп келген. Тек былтыр ғана сәл өсім байқалды. Келушілер 2016 жылға
қарағанда 20,5 пайызға артқан.
