Түркістан облысында жол апатынан 7 адам қаза тапты. Қайғылы жағдай Бәйдібек ауданындағы Шаян – Екпінді автожолында болды. Алдын ала мәліметтерге сәйкес, Toyota Camry және Volkswagen Passat автокөліктері соқтығысқан. Салдарынан екі көлік те отқа оранды.
ТҮРКІСТАН ОБЛЫСТЫҚ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ:
Шаян – Екпінді автожолында екі көліктің қатысуымен болған жол-көлік оқиғасы фактісі бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған қажетті тергеу және процессуалдық шаралар жүргізілуде. Тергеу қорытындысы бойынша тиісті шешім қабылданатын болады.
