Қазақстанда алдағы демалыс күндері аптап ыстық болып, +43°C-қа дейін көтеріледі

25-27 шілде аралығында Қазақстанның басым бөлігінде аптап ыстық қайта күшейеді

Синоптиктердің болжамынша, 25-27 шілде аралығында Атлантикалық циклон Қазақстанның басым бөлігінде өз ықпалын сақтайды. Соның әсерінен жаңбыр жауып, найзағай ойнайды. Елдің шығысында нөсер жаңбыр, бұршақ, дауыл, екпінді жел болады.

Ал батыс пен солтүстік-батыс өңірлерде жауын-шашынсыз ауа райы сақталады.

Сонымен қатар Иран аумағынан ыстық ауа массаларының келуіне байланысты еліміздің көп бөлігінде аптап ыстық қайта күшейеді.

Күндізгі ауа температурасы:

• Батыс пен солтүстік-батыста +38...+43°C;
• Солтүстікте +30...+35°C;
• Орталықта +28...+39°C;
• Оңтүстікте +36...+41°C;
• Оңтүстік-шығыста +29...+37°C;
• Солтүстік-шығыс пен шығыста +23...+32°C болады.