Спорт Қазақстан
$447.89 €476.78 ₽4.79
×

Астанада жергілікті байқаушылар үшін алғашқы семинар өтті

AstanaTV
19.02.2016ж. 20:00
1593
Астанада жергілікті байқаушылар үшін алғашқы семинар өтті

Астанада сайлау байқаушылары үшін семинар-тренинг жұмыстар бастау алды. Мақсат - жергілікті байқаушыларға құқықтары мен міндеттерін түсіндіру. Сайлауды бақылау жөніндегі республикалық қоғамдық комиссия өкілдерінің айтуынша, олардың басты міндеті - сайлаудың заңды әрі ашық өтуін қамтамасыз ету.

Депутаттарды сайлау күні Астанада 270 астам сайлау учаскесі жұмыс істейді. Олардың әрбіріне міндетті түрде 1 жергілікті байқаушы тіркеледі. Байқаушыға қойылатын басты талап - кәмелет жасқа толған Қазақстан азаматы болуы шарт. Ал қызметі үшін 2 айлық есептік көрсеткіші көлемінде жалақы алады. Оларға сайлау кезінде фото, аудио, видеотүсірілімдер жүргізуге рұқсат етіледі. Протоколмен танысуға да толық құқығы бар. Тек бір талап бар - ол комиссия жұмысына кедергі келтірмеу.

Арман Ешмұратов, сайлауды бақылау жөніндегі республикалық қоғамдық комиссия мүшесі:

Ол сайлау комиссиясының жұмыстарына араласпау керек. Себебі оған әкімшілік те, қылмыстық та жауапкершіліктер қарастырылған. Сол себептен біздер осындай семинарларды міндетті түрде өткіземіз.

Ләйлә ҚАЗИАҚПАРОВА