«Болашақ ойындары – 2026» аясындағы Phygital Football жарысында финалға шыққан командалар анықталды.
Quetzales-Armadillos жартылай финалда Club Holcatles командасын 2:0 есебімен жеңді. Цифрлық кезең 0:0 есебімен аяқталғанымен, физикалық кезеңде 2:0 есебімен басым түскен Quetzales-Armadillos финал жолдамасын жеңіп алды.
Екінші жартылай финалда NS Team мен FC OLYMPIC PHYGITAL арасындағы кездесу тартысты өтті. Екі кезең де 1:1 есебімен аяқталды. Жеңімпаз пенальти сериясында анықталып, NS Team 3:2 есебімен басым түсті.
Осылайша, Quetzales-Armadillos пен NS Team Phygital Football финалында чемпиондық атақ үшін таласады.
