Әзірбайжан
мұнай экспорттаушы елдер ұйымына енуі мүмкін. Мұны сенімді ақпарат көздеріне
сілтеме жасап, Рейтерс хабарлады. Алып-қашпа әңгіме ОПЕК-тің бас хатшысы
Мохаммед Баркиндоның Бакуге сапарынан соң тарап кеткен. Ол ел президенті Ильхам
Әлиевпен кездесіп, Энергетика министрімен келіссөз жүргізген көрінеді. Баркиндо
Әзірбайжан ОПЕК-тің барлық келісімдері аясындағы міндеттерді орындап келгенін
айтқан.
Айта кетейік, 2016 жылы ОПЕК-ке кірмейтін Қазақстан мен Әзірбайжанды
қосқанда 12 ел мұнай өндірісін тәулігіне 558 мың баррельге қысқарту туралы
келіскен болатын. Венада өткен ОПЕК-тің соңғы отырысында бұл келісім биылғы
жылдың соңына дейін ұзартылды.
