АҚШ-тың Майами қаласында Amazon компаниясына жүк тасымалдайтын Boeing 767 ұшағы қону кезінде апатқа ұшырап, кемінде бес адам қаза тапты. Қайғылы жағдай 6 қыркүйекте Майами халықаралық әуежайында болған, деп хабарлайды AstanaTV.
Ұшақ Пуэрто-Рикодағы Сан-Хуан қаласынан ұшып шығып, Майамиге қонуға бет алған. Федералдық авиация әкімшілігінің мәліметінше, ұшақ сағат 14:00 шамасында ұшу-қону жолағынан асып кетіп, әуежай аумағындағы бірнеше көлікке соғылған.
Ең қайғылысы – қаза тапқандардың барлығы ұшақтың ішінде болмаған. Ұшақ соққан көліктердің бірінде әуежай қызметкерлері отырған. Апаттан кейін ұшақтың айналасында өрт шыққан.
Алғашқы мәлімет бойынша, бортта болған адамдардың жағдайы жердегі құрбандардан өзгеше болған. Қазіргі таңда апаттың нақты себебі анықталып жатыр. Ұлттық көлік қауіпсіздігі кеңесі тергеу барысында ұшақтың қону барысын, экипаж әрекетін, ауа райын, техникалық қызмет көрсету тарихын және әуе компаниясының жұмыс тәртібін зерттеп жатыр.
