Криштиану Роналдудың Португалия құрамасындағы дәстүрлі №7 жейдесі енді Рафаэл Леауға берілді, деп хабарлайды AstanaTV 1Бол!-ға сілтеме жасап.
«Галатасарай» шабуылшысы Данияға қарсы Ұлттар лигасының матчында ұлттық құрама сапында жетінші нөмірмен ойнайды. Бұл өзгеріс УЕФА-ның ресми матчқа берген өтінімінде көрсетілген.
Бұған дейін №7 нөмірі ұзақ жылдар бойы Роналдумен байланысты болды. Алайда 41 жастағы шабуылшы Португалия құрамасының орналасқан жерінен кеткеннен кейін оның нөмірі Леауға берілді. Бұған дейін «Галатасарай» ойыншысы ұлттық құрамада №17 жейдемен өнер көрсетіп келген. Енді №17 нөмірі Фабиу Силваға берілді.
Айта кетейік, №7 нөмірінің Леауға берілуі Роналдудың ұлттық құрамадағы мансабын аяқтағанын білдірмейді. УЕФА талаптарына сәйкес, Ұлттар лигасының матчына өтінім берілген ойыншыларға 1-ден 23-ке дейінгі нөмірлер бөлінуі тиіс. Сондықтан Роналду құрамнан кеткеннен кейін жетінші нөмірді басқа футболшыға беру қажет болған.
Роналду 30 қыркүйекте Португалия құрамасының орналасқан жерінен кетіп қалған. Ол бұл шешімін бас бапкер Жорже Жезуштің баспасөз мәслихатынан кейін және Португалия футбол федерациясының президенті Педру Проэнсамен сөйлескен соң қабылдағанын мәлімдеді. Футболшы кету себептерін «уақыты келгенде» түсіндіретінін айтқан.
