Алдағы демалыс күндері Қазақстанның басым бөлігінде жаңбыр мен қар жауады. Елдің шығысы мен оңтүстік-шығысындағы таулы аймақтарда қар, ал батыста жаңбыр жауады, деп хабарлайды Astana TV.
“Қазгидромет” болжамынша, еліміздің бірқатар өңірінде тұман түседі, шығыста көктайғақ болады. Батыста найзағай ойнайды. Ал оңтүстік және оңтүстік-шығыс өңірлерде түнде 1-7 градус аяз болады.
-Батыста: күндіз температура +18…+25°C болады.
-Солтүстік-батыста: түнде 0…+5 °C-тан -1…-6 °C-қа дейін, күндіз +13…+18 °C-тан +15…+20°C-қа дейін құбылады.
-Солтүстікте: түнде 0…+5 °C-тан -1…-6°C-қа дейін, күндіз +6…+12 °C-тан +12…+17°C-қа дейін жылы болады.
-Орталықта: күндіз негізінен +10…+20°C болады.
-Шығыста: түнде 0…+5 °C-тан -1…-6°C-қа дейін өзгереді. Күндіз +3…+12°C, таулы аудандарда -2 °C болады.
-Оңтүстікте: түнде +2…+7 °C, күндіз +18…+25°C болады.
-Оңтүстік-шығыста: күндіз +10…+18 °C, таулы аудандарда +3…+8°C болады.
