Атырау облысының Қызылқоға ауданында кеше түнде басталған қамыс өрті әлі сөндіріліп жатыр, деп хабарлайды Astana TV.
Өрт аумағы шамамен 7 гектарды құрайды. Қызылқоға ауданы Қарабау ауылынан шамамен 13 шақырым қашықтықтағы ашық аумақта қамыс өртенген.
Қазіргі уақытта өрттің 5 гектары сөндірілді. Қызыл жалынды ауыздықтауға 34 адам мен 5 техника жұмылдырылған. Оның ішінде трактор, жүк тиегіш және өрт сөндіру модулі бар.
— Зардап шеккендер жоқ. Елді мекендерге қауіп төніп тұрған жоқ. Өртті сөндіру жұмысы жалғасуда, — деп хабарлады ТЖД баспасөз қызметі.
