5–7 қараша аралығында Астананың бірқатар көшесінде көлік қозғалысы шектеледі, деп хабарлайды Astana TV.
Қазақстан Республикасының Мемлекеттік күзет қызметінің хабарлауынша, елордада ауқымды халықаралық саяси іс-шаралардың өтуіне байланысты 5–7 қараша аралығында қаланың кейбір көшелерінде көлік қозғалысына уақытша шектеу қойылады. Сонымен қатар 1 қарашадан бастап Астана аспанында әскери авиацияның оқу-жаттығу ұшулары жоспарланған.
Іс-шараларды жоғары деңгейде өткізу үшін Қазақстан Республикасының арнайы мемлекеттік, құқық қорғау органдары мен Қарулы Күштерінің күштері мен техникалары жұмылдырылады.
