Астана экономикалық форумы аясында биыл бірінші рет Қазақстандағы азаматтық белсенділік тақырыбы талқыланбақ. Арнайы сессия «Азаматтық қоғам келешегі. Жаңа азаматтық белсенділік» деп аталады. Оның жұмысына шет елдік және отандық Үкіметтік емес ұйымдар, сасясаттанушылар мен әлеуметтанушылар, азаматтық позициясымен көзге түскен пікір көшбасшылары қатысады. Сессияда азаматтық сектордың заманауи тенденциялары мен негізгі аспектілері талқыланады деп жоспарланған. Сондай-ақ, жаңа сыни тегеуріндер мен мүмкіндіктері сөз болмақ.
Бақытжан Нарымбетов, ҚР ДАҚМ азаматтық қоғам комитеті төрайымының орынбасары:
Сессия барысында интерактивті көрме өтеді. Онда ҮЕҰ-мен іске асырылған жобалар және азаматтық белсенділік аясында тәжірибелерді ұсыну мүмкіндігіне ие болады.
