Негізгі / Жаңалықтар / Атырауда коворкинг орталығы ашылды

Атырауда коворкинг орталығы ашылды

Атырау қаласында алғаш рет мектеп жанынан балаларға арналған коворкинг орталығы ашылды. Заманауи үлгіде жасақталған орталықтың ашылуына "Нұр Отан" партиясы Атырау облыстық бөлімі қолдау білдірген. Жұмекен Нәжімеденов атындағы №2 мектепте оқушылардың бос уақытын тиімді өткізуге жағдай жасалған. Шахмат, дойбы, тоғызқұмалақ секілді ойын ойнауға, қалаған әдеби кітаптарды оқуға мүмкіндік бар. Бір мезетте 60 баланы қабылдайтын коворкингте балалар мен ата-аналарға арналған түрлі тренингтер мен интеллектуалдық сайыстар өткізу жоспарда барАйта кетейік, өңірде «Қазақстан кітапханалары - Білім орталықтары» атты партия жобасы аясында тағы 10 кітапхана жанынан коворкинг жұмыс істеп тұр.

Әлібек Семғалиев, «Нұр Отан» партиясы Атырау қалалық филиалы фракциясының мүшесі:

Мектеп кітапханалары жанынан балалар коворкинг орталықтарын ашу - қазіргі заман талабы. Бұл демалыс аумақтары балалардың ой-пікірін, шығармашылығын арттыруға арналған. Алдағы уақытта нұротандықтардың қолдауымен коворкинг орталықтардың саны көбейеді деген сенімдеміз.