Алматыда екі адамның өліміне себепкер болған ішкі істер органының бұрынғы қызметкері Санат Жанатбеков 5 жылға сотталды. Ол өз жазасын қоныс колониясында өтейтін болады. Сондай-ақ, экс-полицей Жетісу аудандық сотымен 7 жылға дейін көлік жүргізу құқығынан да айырылды. Жәбірленушілер күдіктіге кешірім берген. Алайда судья Елмахан Ділдабаев, қоғамдағы жол-көлік апаттарының жаппай әлеуметтік сипат алуына байланысты, осындай үкім шығаруға мәжбүр болғанын айтты.
Елмахан
Ділдабаев, Алматы қаласы №2 Жетісу аудандық сотының төрағасы:
Сот
үкім етті: Қазақстан Республикасы Қылмыстық кодексінің 345 бабы 4 бөлігі
бойынша Санат Жанатбеков кінәлі деп танылып, осы бап бойынша 7 жыл жүргізу
құқығынан, 5 жыл бас бостандығынан айырылсын. Жазасын қоныс түрмесінде өтесін.
Айта
кетейік, жол-көлік оқиғасы биыл 14 сәуірде Алматыдағы Жангелдин көшесінің
бойында болған еді. BMW көлігін басқарған ішкі істер органының қызметкері тек
қоғамдық көліктерге арналған жолақпен жүріп, жылдамдықты шамадан тыс асырып,
жол жиегіндегі 3 адамды қағып кеткен еді. Оқиға орнында екі адам қайтыс болып,
үшіншісі ауруханада ұзақ уақыт емделіп шықты. Жүргізуші кінәсін бірден
мойындап, алғашқы сот процесінде марқұмдардың туыстарынан кешірім сұраған.
Ришат АСҚАРБЕКҰЛЫ
