Павлодарда 5-ші бағыттағы трамвай, Жеңістің 70 жылдығына орай безендіріліп,
жаңа кейіппен жолға шықты. Қоғамдық көліктің сыртқы бейнесі Жеңістің
символикасына сәйкес қызғылт-қара түспен боялған. Мерекелік шараларда түскен,
жергілікті майдангерлердің суреттерімен безендірілген салон да көз тартады.Ал,
трамвай жүргізушісі Отан соғысы кезіндегі сарбаздардың формасын киді. Жеңіс
күніне арналған трамвайдың алғашқы жолаушылары - ардагерлер мен тыл
еңбеккерлері. Олар бұл шараға арнайы шақырылған. Қоғамдық көлікке отырған
жолаушылардың әрқайсысына, жастар гүл сыйлады. Бұл бағыттағы қоғамдық көлік
шаһарды толықтай айналып өтеді.
Бозжігіт Тұрғанбекұлы, тыл еңбеккері:
Жетпіске жеткендер де бар, жетпегендер де көп қой. Азайып қалдық біз
ардагерлер. Мұндай шара бұрын болмаған. Қазір ардагерлерге көрсетіп жатқан
құрметтеріне көптен көп рахмет айтамыз.
Әсем МҰХИТОВА