"Алғашқы
әскери дайындық пәнінің мұғалімі Ғабит Қарабалаев ақталсын". Алматыдағы
сән және дизайн колледжіндегі жарылыста мерт болған Светлана Яковлеваның
ата-анасы құзырлы органдарға осындай
өтініш білдірді. Бұл туралы айыпталушының адвокаты Қолғанат Қабанбаева
хабарлады. Бұл өтінішті судья қабылдаған. Қорғаушының айтуынша, құжат тек Ғабит Қарабалаевқа қатысты.
Азамат
Қарабалаевқа қатысты «денсаулыққа абайсызда зиян келтіру» эпизоды бойынша
қылмыстық істі тоқтатуды бұған дейін де зардап шеккен екі адам сұраған. Бұл
әрекетін олар тараптардың татуласуымен байланыстырды.
Қолғанат
Қабанбаева,
Ғ.Қарабалаевтың қорғаушысы:
Судья
осы өтінішті қабылдады. Бірақ та осы өтініш бойынша процессуалдық шешімді сот
құпия бөлмесіне кеткен кезде шешеді. Сот процесі қазір шешіп жатыр.
Келесі
сот отырысы мамырдың 13-іне жоспарланған. Сән және дизайн колледжінде болған
жарылысқа қатысты іс Алмалы аудандық сотында қаралып жатыр. Төтенше оқиға
былтыр 17 қарашада орын алды. Алғашқы әскери дайындық сабағы барысында граната
жарылып, бір студент көз жұмды, тағы 12 шәкірт зардап шеккен болатын.
Әсемгүл МҰХИТҚЫЗЫ
