Өскеменде экзотикалық көліктердің
фестивалі өтті. Бұл байқауда кеңестік автоөнеркәсіптің Волга, УАЗ сынды әйгілі
туындылары көпшілік назарына ұсынылды. Олардың арасында қайта жаңғыртылып
әрлеуден өткен көліктер мен арнайы тапсырыспен құрастырылған темір тұлпарлар
жиналған қауымның ерекше қызығушылығын туғызды. Жарқырап, қайта жан біткендей
күйге енген көліктер бірден көзге түседі. Фестивальдің мақсаты автоәуесқойлар
мен байкерлердің, көлікпен байланысты кино индустрия өкілдері мен темірден
түйін түйетін тюнинг мамандарының басын біріктіріп, таныстыру болатын.
Экзотикалық автокөліктер фестивалі өзінің көздеген мақсатына жетті.
Артем Лиляев, «Автоэкзотика»
фестиваліне қатысушы:
Бұл Мазда МХ3, түсі қара болатын.
Бірақ қалада мұндай көліктің ақ, қара, қызылын санасаңыз есебіне жете алмайсыз.
Сондықтан мен оны жасыл түске бояп, жан-жақты жетілдірдім. Менің Ламборгини
мінсем деген арманым бар, бірақ оған қол қысқа болғандықтан өз көлігіме
ламбаесік орнаттым. Нәтижесі көңілімнен шықты. Жолда мойын бұрып, таңданып
қарайтындарды көргенде, еңбегім зая кетпегенін түсінемін.
Азамат АЛДОҢҒАРОВ
