Шахматтан
Тайландта өткен әлем чемпионатында Қазақстан құрамасының спортшылары 2 алтын, 3
күміс және 5 қола жүлдені ұтып алып, командалық есепте төртінші орынға
жайғасты. Он жеті жасқа дейінгі жасөспірімдер арасында сынға түскен Жанат Саин
қарсыласқа шақ келтірмей, абсолютты чемпион атанды. Спорт тақырыбын Самат
Қанағатов тарқатады.
Италия
астанасы Рим қаласында теннистен «Мастерс»
турнирі жалғасуда. Дәрежелі жарыста сынға түсіп жатқан Сербия спортшысы Новак
Джокович ширек финалға жолдама алды. Үшінші кезеңде әлемнің бірінші ракеткасы Бразилия
теннисшісі Томас Беллуччимен кортқа шықты. Бірінші кезеңде 7-5 есебімен ұтылып
қалғанына қарамастан, Джокович қалған уақытта тез
жиналып, қатарынан екі сетте үздік шықты. Қорытынды
есеп -
5-7, 6-2,6-3. Келесі ойында Чехия
спортшысы Томаш Бердых Италия
теннисшісі Фабио Фонинимен жолықты. Алғашқы екі сетте терезесі тең өнер
көрсеткен спортшылар 1-1 есебімен тең түсті. Ал шешуші сетте ойын тізгінін
қолына алған Бердых қарсыласының ойлағанын іске асырмай, ширек финалға жолдама
алды. Бердыхтың ендігі қарсыласы - Жапония
спортшысы Кей Нисикори.
Велоспорттан
«Джиро де Италия» веломарафоны жалғасуда. Монтекатини Терме және Кастельоне
делла Песка қалаларының арасында өткен 6-ші кезеңде Германия спортшысы Андре
Грайпель жеңіске жетті. 183 шақырымнан тұратын жазық жолды Грайпель 4 сағат 19
минут 42 секундта бағындырды. Жеңімпазбен бір уақыт көрсеткен Италия спортшысы
Маттео Пелукки екінші орынды иеленсе, үшінші сатыны «Лямпре» командасының өкілі
Саша Модоло еншіледі. «Астана» клубының спортшылары жарысты пелотонның ішінде
аяқтады. Жалпы есепте өзгеріс жоқ. 6 кезеңнен кейін
«Тинькофф Саксо»
командасының капитаны испаниялық Альберто Контадор жарыс лидерінің қызғылт
жейдесін сақтап қалды. Одан 2 секундқа қалып тұрған қазақстандық клубтың
капитаны Фабио Ару екінші орынға болса, үшінші орын австралиялық Ричи Порттың
үлесінде.
Самат ҚАНАҒАТОВ
