«ҚазАгро» холдингінің еншілес компаниялары бәсекелі ортаға
берілмек. Бұл туралы ұлттық басқарушы холдингтің басқарма төрағасы Нұрлыбек
Малелов айтты. Тізімде «ҚазАгроҚаржы»,
«Азық-түлік корпорациясы», «ҚазАгроӨнім» және «Қазагромаркетинг» бар.
Бәсекелі
ортаға өткен соң «ҚазАгроҚаржы» көпбейінді қаржы институтынан лизингтік
компанияға айналатын болады. Яғни Ұлттық қор қаражатын пайдаланатын
инвестициялық қоржыннан босатылады және бизнес-процестер құрады. Сонымен қатар,
келер жылдан бастап «Азық-түлік корпорациясы» мемлекеттік астық ресурстарын
басқару агенті ретіндегі қызметін тоқтатады. Ұжым астық нарығындағы трейдерлердің бірі болып қалады.
«Қазагромаркетинг» және «ҚазАгроӨнім» компанияларының мемлекеттің ақпараттық-кеңес беру қызметіне және мал
шаруашылығы өнімдерін сату нарығына қатысуы қысқарады, - деді Нұрлыбек Малелов.
Нұрлыбек
Малелов, «ҚазАгро» ұлттық басқарушы холдингі» АҚ басқарма төрағасы:
Бұл
компанияларды жеке қолға беру ақпараттық-кеңестік қызметте мемлекеттің үлесін
азайтуға мүмкіндік береді. Өнімді сату нарығында да аталмыш процесс сыртқы
тәсілдерді қажет етеді. Компанияларды бағалау мақсатына біз кәсіпқой
кеңесшілерді тартатын боламыз.
Берік ХАСЕНОВ
