Қарағандыдағы сауда үйінің
өртенуіне сөндірілмеген немесе ақауы бар электр техникасы себеп болған.
Аймақтың ТЖД мамандары осындай болжам жасады.
Қуаныш Мүтəліпов, Қарағанды
облысы ТЖД баспасөз қызметінің жетекшісі:
Тұрмыстық техникалар дұрыс
пайдаланылмаған деген болжам қарастырылып жатыр. Басты себеп, тұтынушылардың
электр жабдықтарын дұрыс пайдаланбағандығынан, яғни өрт қауіпсіздігін
сақтамағандықтан деуге болады.
Қарағандыда кеше кешкісін сауда
үйі өртенді. Ғимараттың 30-дан астам өрт сөндіру техникасы мен жүздеген
құтқарушылар қара тұманда тілсіз жаумен 3 жарым сағат бойы күресіп, əрең
дегенде бетін қайтарды. Олардың жұмысына ғимараттың күрделі құрылымы мен
маңындағы көліктер қиындық тудырған. Адамдар дін аман. Қымбат тон, аяқ-киім
сататын 15 сауда нүктесі түгел жанып кеткен. Шығын көлемі əлі толық есептелген
жоқ. Ғимарат қожайынының сауда орнын жалға алған саудагерлерге өтемақы
беру-бермеуі де әзірге шешілген жоқ. Кәсіпкерлердің пайымынша, төтенше жағдай
ғимараттың электр сымдарындағы ақаудан болған.
Людмила Ермакова, кәсіпкер:
Өрт дабылы қосылмаған. Келесі
қанаттағы қыздар "өртеніп жатырмыз"деп айқайлағанда бір-ақ білдік.
Мария Нечаева, кәсіпкер:
Ғимарат ескі әрі суық. Электр
жүйесі де тозған. Үнемі жылытқыш қоспаңдар деп, бір бірімізді ескертіп
жүреміз. Ешкім қоспайды. Өкініштісі, ешбір затымыз сақтандырылған жоқ.
Айжан ҚУАШ
