Францияда
мейрамхана иелері шығынға батуда. Жаңа жыл мерекесі де бұл тығырықтан шығуға
көмектеспейтін секілді. ТАСС-тың
хабарлауынша, париждіктер тапсырыс беруге асықпайды. Себебі халық терактілер
тағы орын ала ма деп қауіптеніп отыр.
Франция халқы қараша айында 130 адамның
өмірін жалмаған Париждегі жарылыстарды ұмытқан жоқ. Тіпті әлемге әйгілі Moulin
Rougeдегі залдар да жаңа жылда толмайтын секілді. Кабаре иесі 1800 орынның
мықтағанда 1200-іне ғана адам келеді деп болжап отыр. Мерекені көпшілікпен атап
өтуде жергілікті халықтан өзге, АҚШ пен Жапониядан көптеп ағылатын туристер де
бас тартқан. Көпшілік орындарға баруға да ешкім құлшынып отырған жоқ. Мәселен,
биыл Страсбургтегі мерекелік жәрмеңкені тамашалаған халық саны екі есеге
азайыпты.
Азамат АЛДОҢҒАРОВ